가사: Enzo Avitabile. Festa Farina e Forca. Crucifixus.

I' ero 'o cielo, 'o cielo ca scenneva,
i' ero 'a terra, 'a terra ca saglieva,
i' ero 'o viento, 'o viento ca sciusciava,
i' ero 'o mare, 'o mare ca s'agitava.

i' ero 'e nnuvole tristi e mmeste,
i' ero ll'aria, ll'aria 'e tempesta,
i' ero 'o sole ca s' annascunneva,
i' ero 'a muntagna ca scuorno se metteva.

i' ero 'a croce, 'a croce 'ncopp' 'e spalle,
i' ero 'na spina, 'a spina miezo 'e cciglie,
i' ero 'o chiuovo 'e l'ultima martellata,
i' ero 'a frusta 'int' a 'na mana sempe aizata.

i' ero 'e 'mmazzate 'ncopp' 'e ccarne chiene 'e mulignane,
ie 'e iastemme d' 'a 'ggente, ie 'na sputazzata,
i' ero 'na lancia, 'a lancia 'int' 'o custato,
i' ero 'o sango, ca nun s'e maie stagnato.

i' ero 'a Mamma ca chiagneva dint' 'a povere,
ie areto all'uorto d'aulive tagliavo 'a rrobba,
i' ero Maddalena ca pe' truva 'nu Dio perdette n'ommo,
ie fuie liberato e mme levaie 'a tuorno.

ie primma ca 'o gallo cantava me l'anniaie tre vote,
ie doppo a 'nu vaso m' 'O vennette pe' quatto sovere,
ie bell' e buono risuscitaie d' 'a morte,
i' ero surdo, cecato, muto, i' ero zuoppo.

i' ero 'o surdato romano ca se iucaie 'a tonaca,
ie ca nun so degno ca Tu trase: "Famme 'stu miraculo",
ie mme ne lavaie 'e mmane pecche 'o fatto nun era d' 'o mie,
ie dint' 'a sinagoga ero 'nu Messia.

ie cu 'na pella 'ncuollo deve 'e nummeri dint' 'o deserto,
ie pe 'o fa taglia 'a capa abballaie annanzo 'o re c' 'e 'ccoscie aperte,
ie deve 'e denare c' 'o 'nteresse, ie faceve 'a vammana,
ie diceve 'e palle e arrubbave, ie faceve 'a vita 'ncopp' 'o lupanaro.

ie pe' fa paria facevo 'o gladiatore,
ie mme magnave vivi pe' mestiere facevo 'o lione,
i' ero 'n 'ago addo 'nu ricco nun nce passava,
i' ero ll' acqua addo Isso cammenava.

ie "chi nun teneve peccate menasse 'a primma preta",
ie uno comme 'a n'ato ca se mureva 'e sete,
ie facevo finta 'e niente c' 'a coda 'e ll' uocchie guardave annanzo,
ie 'ncoppa' 'a n'ata croce ero uno 'e chilli senza speranza.

ie appriesso 'a 'nu regno ca nun era 'e chesta terra,
ie 'nu sadduceo ca mazzecava sempe,
i' ero 'a faraona d' 'e piramidi fino 'a luna,
ie 'nu profeta cunuscevo tutte 'e scritture.

i' ero 'nu cavaliere d' 'a tavola rotonda,
ie c' 'u gli elefanti arrivaie fino 'a Capemonte,
i' ero 'o bbarbaro tanto oro quanto pesave,
ie quanno senteve 'e tammuri votta 'a schiara 'a iurnata.

i' ero 'nu cardinale 'e 'nu tribbunale senza core,
ie chella Femmena attaccata 'a 'nu palo 'ncopp' 'o fuoco,
i' ero 'a rivoluzione c' 'u tutte 'e cape appese,
ie 'a campagna 'e guerra, muorti, surore e neve.

ie chillo c'a criato 'e campi 'e concentramento,
ie vulevo 'o munno e nun vulevo sape niente,
i' ero 'na stella 'ncopp' 'o piggiamo 'e 'na coccia rasata,
ie uno 'e chilli sei miliuni ca nun sapevano d' essere squagliati.

ie traspurtavo 'e nire d' 'a 'na parte 'a n'ata,
ie penne e faccia pittata dint' 'a 'nu recinto parcheggiato,
ie lettere anonime e cammisa nera,
ie mme facevo vasa 'a mana pe' rispetto 'ncopp' 'e quartieri.

i' ero ll'alleato ca purtava 'a pace facenne 'o burdell',
ie trafficave 'e cannuni 'e coca cole e 'e bandiere c' 'e stelle,
ie me scetaje matina pe' appiccia chella miccia,
ie stevo 'o paese d' 'o muro e d' 'e spie c' 'e recchie dint' 'e cuoll' 'e pelliccia.

ie 'ngiarmavo 'a guerriglia contro 'e reggimi d' 'e colonnelli,
ie carcerato in Africa anni e anni simme tutti fratelli,
ie c' 'o sciopero d' 'a famme libberaie l'India senza 'nu colpo 'e pistola,
ie 'o Pastore ca marciava c' 'e pecore 'e ogni razza 'e ogni culore.

ie Susan 16 anni in Uganda prigiuniera 'e guerra,
ie 'o ribbelle c' 'o fucile puntato: "chisto e 'o bastone accide 'a chillo",
ie piccirilli, piccirilli 'e faceve fatica comme 'e ciucci,
ie 'a Serva d' 'e poveri aunavo 'e malati 'nterra Calcutta.

ie 'o Monaco Santo, mmiria e stimmate miezo 'e mmane,
ie accidevo e basta, frate, sora, mamma e pate,
ie Nanninella 'a funtanera 'a botta 'e sofferenze dint' 'a 'nu lettino,
ie dint' 'a 'na vuttazzella c' 'u 'na mappatella dint' 'o dito.

ie 'a nomme 'e Dio aggio sempe fatto 'a guerra santa,
ie ll'armi chimiche, 'o petrolio e cummannave io 'o cummanno,
ie 'na minoranza etnica ca era scumpari pure ll'ombra,
ie 'nu palestinese ma chiu ca n'ommo...
...ero 'na bomba.

i' ero nun 'o saccio si n' e valuta 'a pena,
ie nun saccio chi ero
ma me chiammavano 'o Nazzareno.

(Grazie a Denny per questo testo)